POESIA DI CESARE QUINTAVALLA

Poesia di Cesare Quintavalla

Sgnór Pärma la dmànda un favór

Pärma vòda ….che malinconìa

In pjasa ànca Garibäldi al vrìss scapär via

In gir a n’e sénta il vózi di putén

Anca la Pärma la scòrra in silénsi pjanén

Semma asvén a la Pàscua ma il campani dal dòm

In sòn’non miga a fésta,anca incó

è mòrt purtrop un cuälcdón

pochi parsón’ni in gir par sträda

chi päron andär a ‘na fésta mascaräda

Nisón ridda pu …gh’è in gir la paùra

Andär avanti acsì l’é n’a gara dura

al sit pu frecuentè le al magiòr

mo le anca al sit d’ infarmér e di dotór

chi s’dan da fär con profesjonalitè

par fär stär bén i tant ricoverè

Ma nuätor pramzàn a’n s’réndraräma miga

A ste Maledètt che, sénsa fadiga,

Sénsa guardär in fàcia nisón

sjor dabon povrett e barbón

al s’à portè via i nòstor afét

al sa tót su la vója ad stär in alegrìa

äd n’a briscola a l’osteria,

il dò fetti äd salam magnädi in compagnìa

Pepìno fag sentìr n’opra al Sgnór

acsì al capissa che vrémma ancora un favór

scoltär la melodia in tutta la citè

da san Leonärd fin a Strè ‘Lvè

emma patì abasta, Sgnór lassa respirär

ste citè c’l’an pol miga smättor äd cantär.